САРЫ-ОЙ, 4-авг. — Sputnik. Евразиялык экономикалык биримдиктин аймагында бирдиктүү валюта киргизүүнүн оң жана терс жактарын Евразиялык өнүгүү банкынын интеграциялык изилдөөлөр борборунун директорунун орун басары Михиал Демиденко "10 жыл — идеядан аракеттерге чейин" аттуу тегерек столдо айтты.
Ал бул маселе жогорку деңгээлде дагы бир нече жолу көтөрүлгөнүн баса белгиледи. Бирок акыркы убакта мамлекет башчылары анын өтө зарылдыгы деле жок экенин айтышууда. Буга чейин Евразиялык өнүгүү банкы бирдиктүү валютанын келечеги тууралуу изилдөө жүргүзгөн. Анын жыйынтыктары тууралуу эксперт иш-чарада кеп кылды.
"Жакшы жактарынын бири — сооданын көлөмү өсөт. Мисалы, Европа биримдигинде евронун кириши менен товар айлануу 8-23 пайызга чейин жогорулаган. Экинчи жагынан валюта алмаштырууда киреше азаят. Үчүнчүдөн кредиттик "авторитети" туруктуу экономикалар күчтөнүп, бардык мамлекетте насыялык чендин азайышына алып келет", — деди Демиденко.
Демиденко бирдиктүү валютаны мамлекеттердин экономикасы бир-бирине сиңишип, товар айлануу туруктуу болуп калганда киргизсе, жакшы жыйынтык бериши мүмкүндүгүн айтты.
