БИШКЕК, 4-авг. — Sputnik. Кыргызстан каражатты чыгарып кетүү жана терроризмди каржылоо боюнча 60-орунга татыганын Basel AML Index 2016 рейтингинде айтылат. Ал Базель башкаруу институтунун өкүлдөрү тарабынан түзүлгөн.
Адистер Кыргызстанды каражатты чыгарып кетүү жана терроризмди каржылоо боюнча орто тобокелчиликтеги өлкөлөрдүн катарына кошкон. Жалпысынан 149 мамлекеттеги коркунуч иликтенген.
Терроризмди каржылоо коркунучу жогору болгон үч мамлекет — Иран, Афганистан жана Тажикстан болду. Ал эми Казакстан 71-орунда (5,88 балл), Өзбекстан 101-орунда (5,1 балл).
Терроризмди каржылоо коркунучу дээрлик жок деген мамлекеттердин көч башында Финляндия, Литва жана Эстония мамлекеттери турат.
Базель институту мындай рейтингди 2012-жылдан бери түзүп келет. Адистер рейтингди түзүүдө ар бир өлкөнүн акчаны башка жакка чыгарып кетүүдөгү банк системасын, коррупциянын деңгээлин, мамлекеттик каржылоонун ачыктыгын, өлкөдөгү саясий кырдаал жана мыйзамдарды эске алат.
