БИШКЕК, 1-авг. — Sputnik. Кыргызстандык Азамат Жаналиев Чечен республикасынын биринчи президенти Ахмад Кадыровдун жип жана мык менен тартылган сүрөтүн Рамзан Кадыровго белек кыла турганын Sputnik Кыргызстан агенттигине билдирди.
Анын айтымында, ал Ахмад Кадыровдун сүрөтүн бир жумада тартып бүткөн.
"23-август Ахмад Кадыровдун туулган күнү. Ошонун урматына анын портретин жип жана мык менен тарттык. 2-августта мен велосипед менен жол тосуп Грозный шаарына жолго чыгып жатам. Буюрса Чечен республикасына 20 күндө барып калам деген ой бар", — дейт ал.
Ал Бишкектен чыгып Казакстан, Россия, Азербайжан же Грузия аркылуу Чечен республикасына кирип барууну пландап жатканын айтты.
Белгилей кетсек, Жаналиев буга чейин Чыңгыз Айтматовдун, Алмазбек Атамбаевдин дагы сүрөттөрүн жип жана мык менен тарткан болчу.
