БИШКЕК, 29-июл. — Sputnik. Ош облусунда ажыларды окутуунун экинчи айлампасы жүрүүдө. Бул тууралуу муфтият билдирди.
Маалыматка ылайык, облустун жети районунда ажы башчылар өзүнө бөлүнгөн топторго ажылык зыярат боюнча сабактарды өтүшүүдө.
Анда ажылык парзды өтөөгө туура ниет кылуу, ажылык кийимдерди эрежеси менен кийүү, курмандык чалуу, чач алуу, Арафат, Мина өрөөндөрүндөгү ажылыктын кыйынчылыктарына сабыр кылуу, ыйык Каабаны айлануу эрежелери үйрөтүлүүдө.
Белгилей кетсек, быйылкы жылы ажылык сапарга зыяратчыларды жөнөтүү 16-августта башталат.
