БИШКЕК, 22-июл. — Sputnik. Ушул жылдын сентябрь айында Ысык-Көлдө боло турчу Дүйнөлүк көчмөндөр оюндарына катышуудан Армения баш тартканын Sputnik Армения агенттиги өлкөнүн Спорт жана жаштар маселеси боюнча министрлигине таянуу менен билдирди.
Буга чейин Армения оюндарга өз спортчуларын жиберүүнү пландап жаткан.
Учурда КРдин Тышкы иштер министрлиги, Дүйнөлүк көчмөндөр оюндарынын катчылыгы, Жаштар, дене тарбия жана спорт боюнча мамлекеттик агенттиги, Улуттук спорт оюндарынын түрлөрү боюнча дирекциясы 36 мамлекет менен көчмөндөр оюндарына катышуу тууралуу сүйлөшүүлөрдү жүргүзүүдө.
Экинчи Дүйнөлүк көчмөндөр оюндарына катышууну каалагандар арыздарды 7-августка чейин жиберүүсү керек.
Көчмөндөр оюндары 2016-жылдын Ысык-Көлдө 3-8-сентябрда өтөт.
Sputnik Кыргызстан агенттиги Дүйнөлүк көчмөндөр оюндарынын расмий медиа өнөктөшү.
