БИШКЕК, 22-июл. — Sputnik. Бишкектин борбордук көчөлөрүнүн кесилишинде жол кырсыгы катталгандыгы тууралуу Sputnik Кыргызстан агенттигине WhatsApp каналы аркылуу окурман билдирди.
Маалыматка караганда, Түштүк Магистраль менен Байтик Баатыр көчөлөрүнүн кесилишинде жүргүнчү ташыган маршрутка оодарылып калган.
Тез жардам кызматынан билдиришкендей дарыгерлердин бригадасы кырсык болгон жерге жөнөп кетишти.
Алдын ала маалыматтар боюнча жолтандабас Байтик баатыр көчөсү менен түндүк тарапты көздөй бара жаткан.
Кайгуул милициясы билдиргендей, жол кырсыгына KIA үлгүсүндөгү жол тандабас менен маршруттук унаа кабылган.
Маршруттук унаа Түштүк магистралдан кайрылып жаткан. Жол кырсыгынан жабыркагандар жок.
Окуянын чоо-жайы иликтенип жатат.
Кандайдыр бир өзгөчө окуяга, жаңылыкка күбө болсоңуз WhatsApp-каналга +996 706 566 544 номери боюнча кабарласаңыз болот.
