БИШКЕК, 22-июл. — Sputnik. Чүй облусунда жана Бишкек шаарында бир нече кылмыш жасоого ниеттенген чет элдик жаран борбор калаадан кармалганын ШИИБдин маалымат кызматы билдирди.
Ага ылайык, чет элдик жаран Чүй облусунда жашап жүргөн. Ал такфир-жихадчы диний агымынын өкүлү болгон.
Кармалган жаран борбор калаада бир нече кылмыштарды жасоого ниеттенген. Анын жанында жасалма чач, медициналык бет кап, ок атуучу курал, диний мүнөздөгү DVDдисктер табылганын ШИИБ баса белгиледи.
Аталган факты боюнча кылмыш иши козголуп, кармалган жаран убактылуу кармоо жайына киргизилди.
Анын жанынан алынган буюмдарга бир катар экспертизалар дайындалды.
