БИШКЕК, 22-июл. — Sputnik. Россиянын мамлекеттик думасына мыйзам долбоору сунушталды. Анда психикалык жактан ооруган, талмасы бар, акылы тайкы жана чылым менен аракка жакын кишилердин шайлоого катышуусуна тыюу салынат.
Мыйзам долборун Карелиянын депутаттары сунуштаган.
Россиянын учурдагы мыйзамына ылайык, чет элдик жарандыгы бар кишилер, мурда соттолгон жана административдик жоопко тартылгандар шайлоого катыша албайт. Андан сырткары мамлекеттик кызматка талма оорусу бар, психикалык жактан жабыркагандар, алкоголь, маңзат жана тамеки чегүүдөн маанайы кескин бузула тургандар иштей албайт деген чектөө бар.
Карелиянын депутаттары бул тыюу салууларды шайлана турган кызмат орундарына да киргизүүнү сунуштап жатат.
