Сот: Бүбү Мариямдын "Айкөл Манас" китеби экстремисттик маанайда деп таанылды

Жазылуу
НовостиTelegram
Анткен менен сот чечимине макул болбогон экинчи тарап бул чечимдин үстүнөн облустук сотко арыздануу ниетинде.

БИШКЕК, 19-июл. — Sputnik. Бүбү Мариямдын авторлугу астында жазылган он томдук "Айкөл Манас" китеби Жумгал райондук соту тарабынан экстремистик маанайдагы китеп деп таанылды. Бул тууралуу Sputnik Кыргызстан агенттигине Нарын облустук сотунун маалымат кызматынын жетекчиси Барктабас Белеков билдирди.

Сахнадагы манасчылар. Архив - Sputnik Кыргызстан
Манасчы Рысбай Исаков: аянды баарына жар салсын деп бербейт
Буга чейин келип түшкөн арыздардын негизинде аталган 10 томдук филологиялык экспертизадан өткөрүлгөн.

Курамы жети адамдан турган экспертизанын корутундусуна ылайык, жогорудагы китеп "улуттун кадыр-баркын кемсинтип, тарыхый фактыларды бурмалаган" деп табылган. Мындан сырткары китеп "диндер жана улуттар аралык касташууну тутантышы мүмкүн" деп белгиленген.

Жумгал райондук соту ишти кароого алып, Кылмыш жаза процесстик кодексинин 10, 60, жана 197-беренелери боюнча китепти экстремистик маанайда деп тапты.

Бүбү Мариям менен байланышууга мүмкүндүк болбогондуктан

"Айкөл Манас" китеби чыгарылган басмакананын жетекчиси Жумадин Кадыров менен байланышканыбызда аталган китеп 3400 нускада чыгарылганын айтты.

"Биз райондук соттун чечими менен макул эмеспиз. Ошондуктан Нарын облустук сотуна арыз жазганбыз. Жакынкы күндөрү Нарын шаарында отурум өтөт", — деди Кадыров.

Ал жакынкы күндөрү маселе боюнча кеңири маалымат берилерин кошумчалады.

Бүбү Мариямдын 10 томдук китеби 1995-жылдан тарта чыга баштаган. Аталган китеп жарык көргөндөн кийин кыргыз коомчулугунда "Манас" эпосун бир нече жылдардан бери изилдеп келе жаткан манас таануучулар, окумуштуулар, адабиятчылар өздөрүнүн ар кыл пикирлерин билдиришкен. Алар китеп "Манастын"классикалык варианттарына туура келбестигин айтышкан.

Жаңылыктар түрмөгү
0