БИШКЕК, 7-июл.— Sputnik. Жалал-Абадда 2010-жылдын июнь айында болгон Ош окуясындагы кандуу кагылышка катыштыгы бар жаранды сот залынан актап жиберген облустук судьялардын иши тергелип бүтүп, сотко жөнөтүлдү. Бул тууралуу Башкы прокуратура билдирди.
Бирок 2013-жылдын январында Жалал-Абад облустук сотунун судьялары айыпталуучунун күнөөсү далилденгенине карабастан, кылмыш жаза кодексинин бир беренеси боюнча гана айыптуу деп таап, ошол эле жерден бошотуп жиберген. Күнөөлөнүп жаткан жаран из жашырып кетип, учурда эл аралык издөөгө алынган.
Мындан улам аталган судьяларга кылмыш жаза кодексинин 328-беренесинин (алдын ала адилетсиз өкүм же чечим чыгаруу) негизинде кылмыш иши козголгон. Башкы прокуратура аталган иш тергелип бүтүп, сотко өткөнүн белгилейт.
