БИШКЕК, 7-июл. — Sputnik. Жалал-Абад облусунун Ала-Бука айылында 66 жаштагы тургундун "Жигули" унаасын уурдаган эки киши изи сууй электе кармалганын ИИМдин маалымат кызматы билдирди.
5-июлдун түнүндө Ала-Бука айылында белгисиз бирөөлөр үйдүн алдында токтоп турган "ВАЗ 2106" үлгүсүндөгү унааны айдап кеткен.
Ыкчам иликтөө иш-чараларынын жүрүшүндө уурдалган автомашина Көлмө аймагынан дөңгөлөктөрү жарылган абалда табылган.
Кайгуул милициясы бул ишке тийиштиги бар деген шек менен Жалал-Абад облусунун эки тургунун кармаган.
