Рамзан Кадыров президентик шайлоого катышмай болду

© Sputnik / Михаил Климентьев / Медиабанкка өтүүЧечен республикасынын президенти Рамзан Кадыров. Архивное фото
Чечен республикасынын президенти Рамзан Кадыров. Архивное фото - Sputnik Кыргызстан
Жазылуу
Шайлоо 18-сентябрда өтөт. Рамзан Кадыровдун президенттик мөөнөтү ушул жылдын март айында аяктаган. Россиянын башчысы Путин аны шайлоо болгонго чейин өлкөнү убактылуу башкаруучу кылып дайындаган.

БИШКЕК, 3-июл. — Sputnik. Рамзан Кадыров Чечен республикасынын президенттигине тлапкер болууга макулдугун берип, шайлоо комиссиясына документтерин тапшырганын өзүнүн Instagram баракчасынан билдирди.

"Жаңы эле шайлоо комиссиясына керектүү документтерди бердим. Талапкер болууга макулдугумду билдирген арызды тапшырдым", — деп жазды.

Кадыров документтердин топтому талапка ылайык деп бекитилгенин да айтат.

Чечен республикасынын парламенти. Архив - Sputnik Кыргызстан
Чечен республикасынын парламенти мөөнөтүнөн мурда өзүн-өзү таркатты
Ал Чечен республикасынын биринчи президенти Ахмат-Хаджи Кадыровдун багытын кармап, Россияга кызмат кылууга даяр экенин баса белгилеген. Ошондой эле "Бирдиктүү Россия" партиясына ага ишеним көрсөткөнү үчүн ыраазычылык билдирди.

Рамзан Кадыровдун президенттик мөөнөтү ушул жылдын март айында аягына чыккан. Россиянын башчысы Путин аны шайлоо болгонго чейин өлкөнү убактылуу башкаруучу кылып дайындаган болчу.

Шайлоо 18-сентябрда өтөт.

Жаңылыктар түрмөгү
0