Мамлекет башчысы Жалпы республикалык тестирлөөдөн эң жогорку балл алган бүтүрүүчүлөргө алтын сертификат тапшырып жатып, аларды Айдар Акаев менен Максим Бакиевдей болбоого чакырды.
Ал ошондой эле келечекте, тоо-кен, айыл чарба, туризм, энергетика, жеңил өнөр жай жана тамак-аш өнөр жайы тармагына билимдүү адистер керек экенин баса белгиледи.
Өлкө башчысы билимден, акылдан башка ыймандуу болуу да маанилүү экенин кошумчалады.
Белгилей кетсек, быйыл мектепти 62 миңден ашык бүтүрүүчү аяктаган. Алтын сертификатка ээ болгон бүтүрүүчүлөр Кыргызстандагы каалаган университеттин бюджеттин эсебинен билим алган бөлүмүнө тапшыра аларын билим берүү министри Элвира Сариева да билдирген болчу.
