БИШКЕК, 28-июн. – Sputnik. Белоруссия айыл чарба техникасын, ошондой эле айыл чарба продукциясын өндүрүү боюнча Кыргызстан менен биргелешкен ишканаларды түзүүгө кызыкдар. Бул тууралуу аталган өлкөнүн Айыл чарба жана азык-түлүк министри Леонид Заяц биринчи вице-премьер Мухамметкалый Абулгазиев менен жолугушканда айтты.
Эскерте кетсек, Бишкекте бүгүн кыргыз-белорус өкмөт аралык соода-экономикалык кызматташтык боюнча комиссиянын 6-жыйыны өттү.
Министр Заяц айыл чарба техникасын, ошондой эле айыл чарба продукциясын өндүрүү боюнча биргелешкен ишканаларды түзүүгө кызыкдарлыгын билдирди.
Абулгазиев бул багыттагы тыгыз кызматташуу зарылдыгын белгилеп, өкмөт аралык комиссиянын аянтчасы аны иш жүзүнө ашыруунун бардык маселелерин тыкыр талкуулоо үчүн жакшы шарт түзөрүнө токтолду.
Жолугушууга Кыргызстандын Беларуссиядагы элчиси Кубанычбек Өмүралиев жана Айыл чарба, тамак аш өнөр жайы жана мелиорация министринин милдетин аткаруучу Турдуназир Бекбоев катышты.
