БИШКЕК, 27-июн. — Sputnik. Google X бөлүмүнүн кеңсесине боз үй тигилгенин корпорациянын кыргызстандык адиси Тилек Мамутов Facebook баракчасынан маалымдады.
Анын айтымында, боз үйдө эми мындан ары жолугушуулар өтүп турмакчы.
Google X бөлүмү дүйнөнү түп тамырынан бери өзгөртө турган технологияларды иштеп чыгууга багытталган. Дал ушул бөлүмдө буга чейин интернет таратуучу аба шарларын иштеп чыгуу идеясы көтөрүлгөн.
