БИШКЕК, 26-июн. — Sputnik. Жогорку Кеңеш Бишкек шаарынын борборунда жарнамалык такталарды орнотууга тыюу салууну сунуштап жатышат.
"Ата Мекен" фракциясынын лидери Өмүрбек Текебаев тарабынан иштелип чыккан мыйзам долбоору коомдук талкууга чыгарылды.
Текебаев шаар СССР доорунан калган өзүнүн архитектуралык кооз жана жашыл шаар деген имиджи бар экенин айтат.
Ишкерлер киреше табабыз деп эле жарнама боюнча мыйзамды бузуп, шаардык сырткы көрүнүшүнө зыян алып келип жатканын мыйзам демилгечиси айтат.
Депутаттар Чүй жана Байтик баатыр көчөлөрүндө жайгашкан жарнама такталарын өзгөчө баса белгилешкен.
Буга чейин Бишкек мэриясы шаардын сырткы көрүнүшүн бузган Манас, Чыңгыз Айтматов, Чүй, Абдрахманов жана Байтик баатыр көчөлөрүндөгү жарнама такталарын алууну баштаган.
