БИШКЕК, 23-июн. — Sputnik. Жогорку Кеңеш "Пирамида" телеканалы үчүн 2 миллион сом бөлдү. Аталган маселе бүгүн, 23-июнь күнкү отурумда каралды.
Эске сала кетсек, телеканал парламенттин отурумун түз алып көрсөтөт.
"Баарыңыздарга белгилүү болгондой эле "Пирамида" телеканалы биздин отурумду түз алып көрсөтөт. Жардам иретинде 2 миллион бөлүп жатабыз. Акча мамлекеттик бюджеттен эмес, парламенттин эсебинен төлөнөт", — деди Чыныбай Турсунбеков
Токтомго 102 депутат макул деген добуш берсе, 2 депутат каршы пикирин айтты.
Пирамида телеканалы улутташтырылып, толугу менен мамлекеттин карамагына өткөн.
