ОШ, 18-июн. — Sputnik. Ош шаарында биринчи жолу йога күнү белгиленип, майрамдын урматына флешмоб өтөт.
Иш-чара 21-июнь күнү саат 18:00дө башталып, анда шаар тургундары 30 мүнөт ичинде йога көнүгүүлөрүн жасашат. Флешмобго Индиянын Кыргызстандагы элчилигинин кызматкерлери катышып, ал ыр-күү менен коштолот.
Бүткүл дүйнөлүк йога күнү үч жылдан бери 21-июнда белгиленип келет. Аталган майрамды Кыргызстан менен кошо 175 өлкө майрамдайт.
Иш-чарага бардык каалоочулар катыша алат.
