БИШКЕК, 16-июн. — Sputnik. Бишкек шаарынын Свердлов районундагы диний мекемелердин ишмердүүлүгү рейд учурунда текшерилгенин мэриянын маалымат кызматы билдирди.
Ага ылайык, диний мекемелердин документтери жана санитардык абалы текшерүүгө алынган.
"Медреселерди текшерүү учурунда окуу жайда билим алгандардын санына, мугалимдердин курамына, билим берүүнүн сапатына өзгөчө көңүл бурулду", — деп айтылат билдирүүдө.
Рейддин жыйынтыгында санитардык эпидемиологиялык көзөмөл борбору төрт медресеге эскертүү берип, айрым маселелерди тез арада чечүүнү тапшырды. Ушундай эле рейд октябрь айында кайтадан жүргүзүлөт.
