БИШКЕК, 14-июн. — Sputnik. Пионер жана Комсомол көлмөлөрү 20-июндан баштап иштей турганын "Каражыгач токою" паркынын директору Азимбай Боромбаев билдирди.
Анын айтымында, жыл сайын кыштын келиши менен көлмөлөрдөгү суунун деңгээли төмөндөп кетет.
"Азырынча суу бере элекпиз. Түбү тазаланып, жалпы аймак көрктөндүрүлүп жатат", — деди ал.
Боромбаев кыш мезгилинде шаардыктар паркта орнотулган жабдууларды сындырып кетишерин, жарактуулардын алып, жайга карата отургучтар, күн калкалагычтар орнотуларын белгиледи.
"Бардык иштер соңуна чыккандан кийин болжол менен 20-июнда көлмөлөргө суу беребиз", — деди ал.
Пионер көлмөсү 1946-47-жылдары салынган. Аянты 47,5 миң чарчы метрди түзүп, тереңдиги 1-3 метрге жетет.
Көлмөлөр чагылдырылган сүрөттү Sputnik Кыргызстан даярдаган топтомдон көрүңүз.
