Мында 1996-жылга чейин курулган үйлөр менен обүектилерди түрттүрүү демилгеленүүдө. Алардын ордуна жаңы имараттар курулмакчы.
Ал эми жер ээлерине түрттүрүлгөн турак жайдын баасына тете акча төлөнүп берилет.
Шаардык мэрия статистика боюнча калаанын борбордук бөлүгүндө 104 миң үй бар экенин, алардын 18-19 пайызы эски экенин билдирет. Борбордук бөлүк катары батыштан "Аска-Таш" комплекси, түндүк тараптан Ленинград көчөсү, чыгыштан Чолпон-Ата көчөсү менен түштүктөн Ахунбаев көчөсүнүн аймагы алынган.
Кыймылсыз мүлктү түрттүрүү деген жеке менчиктеги мүлктү мамлекеттин муктаждыгы үчүн муниципалдык менчикке өткөрүү болуп саналат. Өз кезегинде ал мүлк үчүн компенсация төлөнөт.
