БИШКЕК, 9-июн. — Sputnik. Өспүрүмдөр менен никелешүүгө тыюу салган жана жума намазы үчүн түштөнүү убактысын бир саатка узартуу мыйзам долбоорлору Жогорку Кеңештин бүгүнкү күн тартибине киргизилди.
Эске сала кетсек, өспүрүмдөр менен никелешүүгө тыюу салган мыйзам долбоору буга чейин депутаттар тарабынан четке кагылып, кайрадан талкууга алынууда.
Ал эми жума намазы үчүн түштөнүү убактысын бир саатка узартуу мыйзам долбоору тармактык комитетте колдоо таппай, ага каршы добуш берген депутаттарга Чубак ажы Жалилов кескин сын айтып, алардын жаназасына барбайм деген.
Аалымдын билдирүүсү коомчулукта кызуу талкууга алынып, депутаттар Дин боюнча мамлекеттик комиссияга кайрылууну сунушташты.
