БИШКЕК, 8-июн. — Sputnik. Он бир адам, анын ичинде полициянын алты кызматкери Стамбулдун борборундагы Бейазыт районунда миналанган автоунаанын жарылышынан каза болду.
Терактыдан дагы 36 киши жаракат алып, азырынча бул кырсыкты кайсы уюм жасагандыгы боюнча маалыматтар тактала элек. Трагедияга шектелген төрт адам кармалды.
Кечээ бул кырсыктан беш киши жабыркагандыгы кабарланган.
Түркиянын президенти Режеп Тайып Эрдоган терактыдан кийин жасалган билдирүүсүндө терроризмге каршы күрөшүн уланта тургандыгын айтты.
"Жакынкы күндөрү бул трагедияны уюштургандарды табабыз. Каза болгондордун жакындарына көңүл айтам", — деди Эрдоган жабыркагандар жаткан ооруканага барган учурда.
Учурда жаракат алгандардын экөө кайра жандандыруу бөлүмүндө жатат.
