Чолпон-Ата, 7-июн. – Sputnik. Казакстандын спортчулары Дүйнөлүк көчмөндөр оюндарына мыкты даярдык көрүп жатышат. Бул тууралуу Sputnik Кыргызстан агенттигинин кабарчысына Казакстандын инвестиция жана өнүктүрүү министри Асет Исекешов билдирди.
Ал кыргыз-казак бир тууган эл болгондуктан улуттук оюндары дагы окшошуп кетерин кошумчалады.
"Кыргызстандын улуттук оюндарынын бардык түрү боюнча Казакстандын спортчулары даярдык көрүп жатышат. Буюрса көчмөндөр оюндарына биздин өлкө активдүү катышат", — деди Исекешов.
Белгилей кетсек, 2014-жылы өткөн Көчмөндөр оюндарына Казакстандын көк бөрүчүлөрү келбей калышкан. Эки жылда бир өтүүчү оюндар быйыл 3-8-сентябрга белгиленген.
