БИШКЕК, 7-июн. — Sputnik. Сауд Өнүктүрүү фонду Бишкектеги медициналык тез жардам мамлекеттик балдар ооруканасын реконструкциялоо жана кеңейтүү үчүн 30 миллион доллар насыя берет. Бул тууралуу парламенттин маалымат кызматы билдирди.
Тиешелүү долбоор Жогорку Кеӊештин Бюджет жана финансы боюнча комитети тарабынан жактырылды.
Каржылоо "Бишкек шаарынын медициналык тез жардам мамлекеттик балдар ооруканасын реконструкциялоо жана кеңейтүү" долбоорунун алкагында берилет.
Келишимге ылайык, насыя 25 жылга бир пайыздык үстөк менен берилмекчи.
