Шевченко: кылмышкерлер Федотовдон өч алышы мүмкүн

Жазылуу
Yandex newsTelegram
Ресторанды тоноого кирген кылмышкерлердин экөөсү бүгүнкү күнгө чейин кармалбагандыктан алар Павел Федотовдон өч алышы мүмкүн деген коркунуч бар.

БИШКЕК, 1 июн. — Sputnik. Кылмышкерлер Павел Федотовдон өч алышы мүмкүн. Бул тууралуу КРдин Тай бокс боюнча федерациясынын жетекчиси Елена Шевченко билдирди. 

Буга чейин кыргызстандык тай боксчу Валентина Шевченконун машыктыруучусу Павел Федотов Перудагы ресторанга кол салгандарга каршылык көрсөтүп, жарадар болгон

Шевченконун айтымында, перулуктар Федотовдун бул кадамын баатырлык катары кабыл алып, жакшы пикирлерин айтышууда. Анткени аталган шаарда тоноочулар көп учурда жазасыз калып келген. 

"Атылган ок Федотовдун терисин гана жабыркаткан. Ден-соолугу туруктуу болуп калды. Бирок кылмышкерлер кармалбагандыктан, алар өч алышы мүмкүн. Павел, Валентина жана Антонина учурда коопсуз жерде. Баары жакшы аяктап, алар батыраак өлкөдөн чыгып кетет деп үмүт кылуудабыз", — деди Елена Шевченко. 

Павел Федотовдун алган жараатынан улам Валентина Шевченконун кийинки беттешке даярдыгы убактылуу токтотулушу мүмкүн. 

Валентина Шевченко UFC турниринин мурунку чемпиону Холли Холм менен 23-июлда беттешмек. 

Жаңылыктар түрмөгү
0