БИШКЕК, 31-май — Sputnik. АКШнын Нью-Йорк штатынын Бруклин районунда жол кырсыгына кабылып, ооруканадан каза болгон 25 жаштагы КР жаранынын сөөгү бүгүн Кыргызстанга жөнөтүлөт. Бул тууралуу Тышкы иштер министрлиги билдирди.
Белгилей кетсек, 24-майда АКШдагы эки кыргызстандык жол кырсыгына кабылып, оор жаракат алган 25 жаштагы кыргыз жигит 28-майда каза болгон.
КРдин АКШдагы элчилиги Muslims Funeral Services of New York жерге берүү бюросунан кыргызстандык жарандын сөөгүн мекенине жиберүү боюнча керектүү болгон бардык документтерди алган.
Эскертсек, кыргыз жаранынын сөөгүн мекенине алып келүү үчүн АКШдагы мекендештер бир күндө 16 миң 887 доллар чогултушкан.
