БИШКЕК, 20-май — Sputnik. Мамлекеттик тарых музейинде жүрүп жаткан оңдоо иштерине байланыштуу борбордук "Ала- Тоо" аянтындагы туу менен ардактуу күзөтчүлөр убактылуу алынат. Бул тууралуу Улуттук гвардиянын маалымат кызматынан билдиришти.
Маалыматка ылайык, туу 21-майдан 30-августка чейин алынып салынат. Мындан улам, Улуттук гвардиянын ардактуу күзөтчүлөрү дагы тууну кайтарууну токтотото.
Мамлекеттик тарых музейинин реконструкциясы эки этапта өтүп, биринчиси 31-августка чейин созулуусу болжолдонууда. Ал эми экинчи этапта заманбап талаптарга жооп берген музей толугу менен бүткөрүлөт.
Белгилей кетсек, Улуттук гвардиянын ардактуу күзөт аскерлери мамлекеттик тууну борбордук "Ала-Тоо" аянтында 1998-жылдын 16-августунан тарта кайтарып келет.
Бул убакыт аралыгында күзөт 2009-жылы 18 метрлик желек 45 метрликке алмаштырылганда алынган.
