Экс-министр Малабаев: тендердин акчасын "бөлүшкөнгө" жетишпей калдык

© Пресс-служба правительства / Сабыр АильчиевМурунку Транспорт жана коммуникация министри Аргынбек Малабаев. Архив
Мурунку Транспорт жана коммуникация министри Аргынбек Малабаев. Архив - Sputnik Кыргызстан
Жазылуу
Эл өкүлдөрү суроолорго жооп берип жаткан мурунку министр Аргынбек Малабаевди катуу кагып, "күлбөй отур" дегенге чейин барышты.

БИШКЕК, 12-май — Sputnik. Мурунку Транспорт жана коммуникация министри Аргынбек Малабаев парламентте суроо берген депутаттарды тендерди бөлүшүүгө жетишпей калдык деп какшыктады. 

Эскерте кетсек, Жогорку Кеңеште Балыкчы — Корумду жолунун тендери боюнча маселе каралды. Суроолорго жооп алуу үчүн жыйынга мурунку өкмөт башчы Темир Сариев, мурунку Транспорт жана коммуникация министри Аргынбек Малабаев жана анын мурунку орун басары Улан Уезбаев чакырылган. 

Отурумдун жүрүшүндө депутаттар Малабаевге ар кыл суроолорду берип, бурчка такады. 

"Эмне үчүн тендер боюнча мыйзам бузулганын мурда эле билип туруп, түштөн кийин айтып чыктыңар. Эмне, тендерди бөлүшкөнгө жетишпей калдыңарбы?" — деди эл өкүлү. 

Анда Малабаев тендерди ага чейин эле чоңдор бөлүшүп алганын айтты. 

"Биз бөлүшкөнгө жетишпей калдык. Чоңдор тарапта эле бөлүнгөн экен", — деди Малабаев. 

Ал ортодо эл өкүлдөрү Малабаевди "сен эмне концерт көргөнү келдиң беле, күлбөй отур" дегенге чейин барышты. 

Эске салсак, депутаттык комиссиянын төрагасы Кубанычбек Жумалиевдин берген маалыматы боюнча Балыкчы — Корумду автожолун куруу боюнча өткөрүлгөн тендерге 4 компания катышып, анын жыйынтыгында жол курулушуна 6 миллиард 803 миллион 503,5 миӊ сом сунуш кылган "Лонг Хай" компаниясы тандалып алынган. Ошого карабастан, курулушка азыр 8 миллиард 785 миллион 506,3 миӊ сом жумшоо пландаштырлууда.

Баяндамачы сынак жыйынтыгын Жол чарбасы департаментинин башкы инженери Жумаш Сооданбаев чыгарып, акыркы чечимге транспорт жана коммуникациялар министринин орун басары Улан Уезбаев кол койгонун, "Лонг Хай" компаниясынын лицензиясы жок болгондуктан тендердин тартиби бузулганын белгилеген.

Отурумдун жыйынтыгында депутаттык комиссиянын токтому көпчүлүктүн колдоосун таап, жактырылды. 

Аталган тендер боюнча чыр чыгып, анын айынан Темир Сариев, Аргынбек Малабаев жана анын орун басары Улан Уезбаевден кызматтан кеткен. Мында мурунку өкмөт башчынын айланасындагылар тендерде курулушту жүргүзүп жаткан компаниянын кызыкчылыгын көздөгөн деп айтылган.

Жаңылыктар түрмөгү
0
Алгач жаңыларыАлгач эскилери
loader