БИШКЕК, 12-май — Sputnik. Уюштуруу комитети Улуттук олимпиада комитетин Кыргызстандын спортчуларынын Рио олимпиадасында кие турчу параддык кийиминин эскиздерин жасоону тездетүүнү тапшырды. Бул тууралуу өкмөттүн маалымат кызматы билдирди.
Вице-премьер-министр Гүлмира Кудайбердиева быйыл Рио-Де-Жанейродо (Бразилия) өтө турчу жайкы XXXI олимпиадалык оюндарга даярдык көрүү комитетинин кезектеги жыйынын өткөрдү.
Улуттук олимпиада комитети грек-рим күрөшү боюнча балбан Жанарбек Кенжеевдин жолдомосунун алынышы боюнча абалга түшүндүрмө берип, спортчу мельдоний каражатын колдонгону үчүн ушундай чара көрүлгөнүн маалымдады. Бул допинг каражаты 2016-жылдын 1-январынын тарта тыюу салынган.
Жыйындын соңунда уюштуруу комитети спортчулардын Олимпиада оюндарына катышууга даярдык көрүүсү үчүн каражатты маалында бөлүп берүүнү тапшырды.
