Депутаттар Балыкчы — Корумду жолу боюнча маселеде кызыл чеке талашка түштү

© Sputnik / Табылды КадырбековБишкек — Ысык-көл унаа жолу. Архив
Бишкек — Ысык-көл унаа жолу. Архив - Sputnik Кыргызстан
Жазылуу
Аталган жол боюнча чыккан чыр премьер-министрди, министр жана анын орун басарын ээрден шыпырып түшкөн.

БИШКЕК, 12-май — Sputnik. Жогорку Кеңеште Балыкчы — Корумду жолунун тендери боюнча маселеси каралып, анда депутаттар арасында кызуу талаш жаралды. 

Эскерте кетсек, учурда Жогорку Кеңеште Балыкчы — Корумду жолунун тендери боюнча маселе каралып жатат. Суроолорго жооп алуу үчүн жыйынга мурунку өкмөт башчы Темир Сариев, мурунку Транспорт жана коммуникация министри Аргынбек Малабаев жана анын мурунку орун басары Улан Уезбаев чакырылган. 

Темир Сариев: Атамбаев ишиме кийлигишкен эмес
Отурумдун жүрүшүндө Сариев, Малабаев жана Уезбаевдер өз пикирлерин айтышты. Андан соң депутат Канат Исаев Сариев туура эмес маалымат берип жатканын айтып чыкты. Исаевдин сөзүн төрага Чыныбай Турсунбеков бөлүп, суроо-жооп кылуунун кереги жок экенин айтты.

Анткен менен депутаттар келген Сариев, Малабаев жана Уезбаевдерге суроо берүү демилгесин көтөрүп, ал сунуш колдоо тапты. 

Учурда ар бир фракциядан үчтөн депутат суроо берип жатат. 

Эскерте кетсек, Балыкчы — Корумду унаа жолунун тендери боюнча чыр чыгып, анын айынан Темир Сариев, Аргынбек Малабаев жана анын орун басары Улан Уезбаевден кызматтан кеткен. Мында мурунку өкмөт башчынын айланасындагылар тендерде курулушту жүргүзүп жаткан компаниянын кызыкчылыгын көздөгөн деп айтылган.

Жаңылыктар түрмөгү
0