БИШКЕК, 12-май — Sputnik. Мен премьер-министр болуп турганда президент Алмазбек Атамбаев эч качан ишиме кийлигишкен эмес. Бул тууралуу мурунку өкмөт башчы Темир Сариев Жогорку Кеңеште сүйлөп жатып билдирди.
Учурда экс-премьер Балыкчы — Корумду жолунун тендери боюнча маалымат берүүдө. Жогорку Кеңешке Сариевден тышкары Транспорт жана коммуникация министрлигинин мурунку башчысы Аргынбек Малабаев жана анын мурунку орун басары Уланбек Уезбаев чакырылган.
"Атамбаев мен өкмөт башчы болуп турганда ишиме кийлигишкен жок", — деди Сариев.
Эскерте кетсек, Балыкчы — Корумду жолунун тендери боюнча чыккан ызы-чуу Сариев, Малабаев жана Уезбаевди ээрден шыпырып түшкөн. Мында мурунку өкмөт башчынын айланасындагылар тендерде крулуш жүргүзүп жаткан компаниянын кызыкчылыгын көздөгөн деп айтылган.
