БИШКЕК, 12-май — Sputnik. Кыргызстанга РСФСРдин эмгек сиңирген артисти, СССР мамлекеттик сыйлыктын лауреаты, Вольпи кубогунун ээси Наталья Аринбасарова келди.
"Биринчи мугалимде" — Алтынай, "Жамийлада — Жамийланын ролун ойноп, мындан тышкары көптөгөн образдарды жараткан белгилүү актрисага дүйнөлүк кинематографияга сиңирген эмгеги үчүн "Ак Илбирс" улуттук киносыйлыгы ыйгарылат. Аны менен кошо советтик жана өзбекстандык актёр Сейдулла Молдоханов келди.
Ардактуу меймандарды "Манас" эл аралык аэропортунан маданият, маалымат жана туризм министринин орун басары Фархад Бекмамбетов, КР кинематографисттер союзунун төрагасы Таалай Кулмендеев салтанаттуу тосуп алышты.
"Биринчи мугалимде" — Алтынай ролунда Наталья Аринбасарова.
© Александр Федоров
"Ак Илбирс" улуттук киносыйлыгын тапшыруу аземи эртең, 13-май күнү саат 18.00дө "Манас" кинотеатрында өтөт.
