Эртең өкмөттүн адистери Астанага картошка маселесин чечүү үчүн учуп кетет

© AFP / STANISLAV FILIPPOVАстана шаары. Архив
Астана шаары. Архив - Sputnik Кыргызстан
Жазылуу
2016-жылдын январынан тарта Казакстандын аймагына 1400 тонна картошка экспорттолуп, анын 113 тоннасы ылаң (золотистая нематода) табылгандыгынан улам артка кайтарылган.

БИШКЕК, 10-май — Sputnik. Эртең Кыргызстандын Айыл чарба жана мелиорация министрлигинин, Ветеринардык жана фитосанитардык коопсуздук боюнча мамлекеттик инспекциянын адистери казак тараптын картошканы өткөрбөй жаткан себептерин тактоо үчүн Астана шаарына жөнөп кетет. Бул туурасында өкмөттүн маалымат кызматы кабарлады.

Базарда картошка саткан киши. Архив - Sputnik Кыргызстан
Казакстандагы "Назарбаевдин адамдары" кыргыз фермерлеринен акча талап кылууда
Бүгүн премьер-министр Сооронбай Жээнбеков Кыргызстанда өндүрүлгөн картошканы Казакстандын аймагына киргизүүгө тыюу салуу маселеси боюнча кеңешме өткөргөн.

Анда Ветеринардык жана фитосанитардык коопсуздук боюнча мамлекеттик инспекциянын директорунун орун басары Руслан Бейшенкулов Казакстан тараптан картошканы алардын аймагына өткөрүү боюнча расмий тыюу салуу боюнча маалымат келе электигин, бирок иш жүзүндө продукцияны сатуу токтоп калгандыгын айткан.

"Эртең Айыл чарба жана мелиорация министрлигинин, Ветеринардык жана фитосанитардык коопсуздук боюнча мамлекеттик инспекциянын адистер тобу казак тарап менен сүйлөшүүлөрдү жүргүзүү жана картошканы экспортоого тыюу салууга негиз болгон фактыларды салыштыруу үчүн Астана шаарына жөнөп кетет", — деп айтты Бейшенкулов кеңешмеде.

Ал 2016-жылдын январынан тарта Казакстандын аймагына 1400 тонна картошка экспорттолуп, ал эми 113 тоннасы андагы ылаң (золотистая нематода) табылгандыгынан улам артка кайтарылгандыгын кошумчалады.

Жаңылыктар түрмөгү
0