БИШКЕК, 10-май — Sputnik. Россия менен Кытай космостогу куралдарын күчтөнтүп, АКШга кол салышы мүмкүн. Бул тууралуу РИА Новости Washington Post гезитине таянуу менен жазып чыкты.
Маалыматта Россия менен Кытай өлкөсү тарабынан иштелип чыккан технологиялар АКШнын космостогу жабдууларын иштен чыгарып салышы мүмкүндүгү айтылат.
"Пентагондун өкүлдөрү АКШ Ирак жана Афганистандагы согуш менен алек болуп жатканда Россия менен Кытай космостогу куралдарын күчтөнтүп, АКШга кол салуууга камынып жатканын жар салды", — деп жазат басылма.
Буга чейин АКШнын мамлекеттик катчысынын жардамчысы Фрэнк Роуз космостогу жапырт куралдануу келечектеги өлкөлөрдүн кагылышуусуна алып келиши мүмкүндүгүн айткан.
