БИШКЕК, 7-май — Sputnik. Кыргызстандык ырчы Жийдеш Идирисова "Евровидение — 2016" сынагынын тандоо турунда калыстык кылды. Бул тууралуу Sputnik Кыргызстан агенттигине ырчынын продюссери Андрей Доргай билдирди.
Анын айтымында уюштуруучулар Жийдеш Идирисовага кат жөнөтүшкөн.
"Бул жылы "Евровидение — 2016" конкурсуна катышпаган өлкөлөрдү сынактын тандоо турунда калыстык кылууга чакырышты. Ага ылайык, калыстык кылган ар бир мүчө 43 ырчынын арасынанан мыкты 10 ырчыны аныктоосу керек", — деп айтылат маалыматта.
Ырчы калыстык кылууга Türkvizyon сынагынын жеңүүчүсү катары тандалган. Ал өзү мыкты деп эсептеген 10 ырды тандап, уюштуруучуларга жиберди.
Идирисова Turkvizyon сынагын былтыр жеңип алган болчу.
