БИШКЕК, 5-май — Sputnik. Балыкчы — Каракол унаа жолунун 18-чакырымында ВМW үлгүсүндөгү унаа аласалып, 19 жаштагы айдоочу каза болду. Бул тууралуу Кайгуул милициясы билдирди.
Кырсык кечээ, 4-май күнү болжол менен саат 12.30да болгон. Алдын ала маалымат боюнча Балыкчыны көздөй келе жаткан унаанын Сары-Камыш менен Тору-Айгыр айылдарынын ортосуна келгенде дөңгөлөгү атып, мындан улам айдоочу рулду башкара албай, машина оодарылып кеткен.
Айдоочу окуя болгон жерде каза болсо, унаанын ичиндеги үч жүргүнчү Балыкчы шаардык ооруканага жеткирилди.
