БИШКЕК, 29-апр. — Sputnik. Пенсияга чыккандан кийин дагы 10-12 сааттан иштеген ардагерлер башкаларга салыштырмалуу 11 пайыз узак жашары Journal of Epidemiology and Community Health журналына жарыяланган макалада айтылат.
"Буга чейин пенсияга кеч чыгуу кандай экономикалык кесепеттерге алып келе турганы боюнча изилдөөлөр жүргөн. Биз мындай аракеттер ардагерлердин ден соолугуна кандай таасир бере турганына кызыгып көрдүк", — дейт Орегон штатындагы университеттин окумуштуусу Ченкай Ву.
Бул изилдөөгө жалпысынан 12 миң ардагер катышкан.
Эгерде алардын пенсияга чыккан убактысы менен жашоо узактыгын салыштыра келгенде, Ву жана анын кесиптештери көпкө чейин иштөө андан ары жашоого көмөкчү болорун айтышты. Саламаттыгы жайында болуп иштеген адамдар 65 жаштан кийин орто эсеп менен 11 пайызга сейрек каза табары аныкталган. Ал эми көп ооругандар 9 пайызга сейрек көз жумган.
