БИШКЕК, 26-апр. — Sputnik. Ош шаарынын борбордук "Алай" мечитинде даватчылардын билим деңгээлин жогорулатуу боюнча кезектеги бир айлык окуу курсу башталды. Бул тууралуу муфтияттын маалымат кызматы билдирет.
Ага Ош шаарынан жана Ош облусунан келген даватчылар катышууда.
Окуу курсу Кыргызстан мусулмандар дин башкармасы тарабынан түзүлгөн программанын негизинде жүрүп, Ханафий мазхабы боюнча кеңири маалыматтар берилет.
