БИШКЕК, 22-апр. — Sputnik. Google Translate онлайн сөздүкчөсүнө кыргыз тилинин кошулушу менен кыргызча спамдар жаай баштады.
Улан Жумашев аттуу Твиттердин колдонуучусу бул тууралуу өзүнүн баракчасына жазып чыкты.
"Google Translate сервисине кыргыз тилинин кириши менен кыргызча "бакыт каттары" келе баштады", — деп жазат колдонуучу.
После запуска в Google Translate письма счастья начали приходить на кыргызском языке :))) pic.twitter.com/Vg4bqPG8nJ
— Улан (@Djumasheff) 22 апреля 2016 г.
Спамдар буга чейин орус тилинде келип, анда чет өлкөдөгү тууган көптөгөн суммадагы каражат калтырганын айтып, тез арада байланышка чакырып келген.
Адистер бул кадамдар интернет колдонуучулардын паролун бузууга багытталарын айтат.
Эскерте кетсек, буга чейин кыргыз тили расмий түрдө Google Translate тутумуна кирген.
Спам — интернет колдонуучу окугусу келбеген кат. Көбүнесе спам жарнама иретинде келет.
