БИШКЕК, 21-апр. — Sputnik. Орус өкмөтү Кыргызстанга кайтарымсыз түрдө ушуну менен үчүнчү жолу дарылоо-диагностикалык клиниканы тапшырганын КРдин Россиядагы элчилиги билдирди.
Мобилдик клиниканы тапшыруу аземи бүгүн Каракол шаарында болот.
Аталган жабдуулар Батыш Европа жана Борбор Азияда ВИЧ/СПИД жана башка жугуштуу оорулардын алдын алуу программасынын алкагында берилип жатат. Бул программа орус өкмөтү тарабынан каржыланат.
"Ушуну менен мындай мобилдик клиника үчүнчү жолу тапшырылууда. Буга чейинки эки клиника азыр Чүй жана Ош облустарын кыдырып жүрөт. Бардык диагностика бекер жасалат. Жашоочуларга алар жашаган аймакка мобилдик клиниканын келери тууралуу маалыматтарды ыктыярчылар таратууда", — деп элчиликтен билдиришти.
Дарылоо-диагностикалык комплекс "КамАЗ" үлгүсүндөгү автоунаада жасалган. Ал жактан ВИЧ, гепатит, кургак учук жана сифилис сыяктуу оорулардын анализин тез арада чыгарса болот.
