БИШКЕК, 18-апр. — Sputnik. 19-апрелде түнкүсүн жаан жаап, күндүз жаан-чачын күтүлбөйт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы 4-9 метр секундга жетет. Ал эми күндүз аба ырайы 20…22 градуска чейин жылуу болот.
19-апрелде түнкүсүн көпчүлүк аймактарда, күндүз айрым жерлерде жаан жаап, тоолуу райондордо кар түшөт.
Чүй, Талас облустарында аба ырайы 16… 21 градуска чейин ысыйт. Ош, Жалал-Абад жана Баткен облустарынын дыйканчалык аймактарында күн 17… 22 градуска чейин ысык болот. Ал эми Ысык-Көл, Нарын облустарында күн 12…20 градуска чейин ысыйт.
