БИШКЕК, 14-апр. — Sputnik. Президент Алмазбек Атамбаев оң рулдуу таксилерге тыюу салууну 2020-жылдын 1-январына чейин жылдыруу боюнча жарлыкка кол койду. Бул тууралуу өлкө башчынын маалымат кызматы билдирди.
Оң рулдуу машиналарды коммерциялык максатта колдонууга тыюу салуу боюнча мыйзам 2013-жылы кабыл алынып, 2016-жылдын 1-январынын тарта күчүнө кирген.
Бирок бир катар депутаттар ИИМ тарабынан айып пул салуу ыкмасы иштелип чыкпагандыктан оң рулдуу таксилерге тыюу салууну жылдыруу керектигин сунушташкан. Мыйзам долбоору депутаттар тарабынан 3-мартта кабыл алынган.
