БИШКЕК, 14-апр. — Sputnik. Россия президенти Владимир Путин Түркия Россиянын досу экенин билдирди.
Москвада өлкө башчы Путин менен түз байланыш өтүп, президент салтка айланган жыл сайын өтүүчү баарлашуунун алкагында элдин суроосуна жооп берип жатат.
"Россия Түркияны өзүнүн досу деп эсептейт, бирок анын саясий ишмерлери менен пикир келишпестиктер бар", — деди Путин.
4 Чын Куран 2016, 11:32
Ал Түркиянын азыркы жетекчилиги радикалдар менен күрөшкөндөн кызматташканы көбүрөөк экенин баса белгиледи. Президенттин айтымында, түрк бийлигинин туристтер үчүн коопсуздукту камсыздоого аракетинен майнап чыгары күмөн.
Путин Түркиянын түштүгүндө жарадык согуш өтүп жатканын белгиледи.
Россия менен Түркиянын ортосундагы мамиле 2015-жылдын 24-ноябрында түркиялык F-16 учагы Сирия аймагынан россиялык Су-24 учагын атып түшүргөндөн кийин кыйла солгундап кеткен. Путин бул аракетти "далыга урулган бычак" деп баалаган. Окуядан кийин Путин Түркияга карата чараларды көрүү боюнча буйрукка кол койгон.
