БИШКЕК, 14-апр. — Sputnik. Мамлекеттик ипотекалык компания ААКтын башкармалыгынын төрагасы болуп Бактыбек Шамкеев дайындалды. Бул тууралуу аталган мекеменин маалымат кызматы билдирди.
3 Жалган Куран 2016, 16:28
Бүгүн Шамкеев компаниянын жамаатына тааныштырылды. Ал буга чейин "CAIConsulting" ЖАКтын башкаруучу директору болгон. Жогорку билимдүү, ишкер башкаруучулугунун магистри. Кыргыз, орус, англис жана немис тилдерин билет.
Белгилей кетсек, Мамлекеттик ипотекалык компаниясынын буга чейинки башчысы Бактыгүл Жээнбаева ээлеген ордунан бошотулуп, Айыл банктын" башкармалыгынын төрагалыгына дайындалган.
Мамлекеттик ипотекалык компания "жеткиликтүү сегменттен" турак-үйлөрдү курууну каржылап, ошондой эле калкты жеткиликтүү ипотека аркылуу турак-жай менен камсыз кылат. Мында турак-жай андан ары сатып алуу укугу менен же ансыз эле убактылуу ижарага берилет.
