БИШКЕК, 25-мар. — Sputnik. Мамлекеттик ипотекалык компаниянын жаңы жетекчиси жакын арада дайындалат деп билдирди Мамлекеттик мүлктү башкаруу фондусунун Чарбалык коомдор боюнча башкармалыгынын жетекчиси Адилет Жакыбалиев Sputnik Кыргызстан агенттигине.
"Кечээ, 24-мартта Бактыгүл Жээнбаева Мамлекеттик ипотекалык компаниясынын башчылыгынан бошотулган. Ал бүгүн "Айыл банктын" башкармалыгынын төрайымдыгына дайындалды. Мамипотека компаниясынын жетекчиси жакын арада дайындалат", — деди Жакыбалиев.
Маммүлк өкүлү кимдин талапкерлиги каралып жаткандыгын айткан жок.
Мамлекеттик ипотекалык компания "жеткиликтүү сегменттен" турак-үйлөрдү курууну каржылап, ошондой эле калкты жеткиликтүү ипотека аркылуу турак-жай менен камсыз кылат. Мында турак-жай андан ары сатып алуу укугу менен же ансыз эле убактылуу ижарага берилет.
