БИШКЕК, 8-апр. — Sputnik. Өзүнө 12 кызматты камтыган муниципалдык кызматтын негизги реестрин өкмөт бекитти. Анда негизинен муниципалдык менчикке укук бере турчу артыкчылыктар каралган. Бул тууралуу өкмөттүн маалымат кызматы билдирди.
Мамлекеттик бирдиктүү реестрге 373 кызмат камтылган. Анын ичинен 224тү акылуу болсо, 149 кызмат бекер көрсөтүлөт.
2015-жылы мамлекеттик кызматтын 206 стандарты бекитилген. Ошондой эле министрликтер менен ведомстволордо 67 мамлекеттик кызматтын стандарттарынын долбоору каралып жатат.
Элге мамлекеттик жана муниципалдык кызматты электрондук негизде көрсөтүү үчүн учурда www.gosuslugi.mineconom.kg тест негизинде иштеп жатат.
