БИШКЕК, 1-апр. — Sputnik. Football-rankings.info сайты Кыргызстандын курама командасы Дүйнөлүк футбол ассоциациясынын апрелдеги тизмесинде беш пунктка көтөрүлүп, 100-орунду ээлеши мүмкүн экенин билдирди.
Улуттук команда 4-февралда рекорд коюп, эки сапка жогорулап, 105-орунду ээлеген. Бул позиция март айындагы рейтингде да сакталып калган.
Сайттын аналитиктеринин айтымында, мында Кыргызстан беш сапка жогорулап, 100-орунду ээлей турганын божомолдошууда. Упайларынын саны 16га көбөйүп, жалпы жонунан 340 упайды түздү.
Быйылкы жылдын эсеби менен кыргызстандык футболчулар бир гана оюн өткөрүштү. 29-март күнү кыргызстандыктар 2018-жылы өтө турган Дүйнө чемпионатынын тандоо турунун алкагындагы оюнда Тажикстандын командасын 1:0 эсеби менен утуп алды.
Бул орунга чейин аталган сайт кыргызстандык команда тогуз сапка төмөндөп 114-орунду ээлей турганын боолгологон.
