БИШКЕК, 30-мар. — Sputnik. Евразиялык экономикалык комиссиянын коллегия жыйынында кылмыштуу жол табылган кирешени адалдоого каршы күрөшүү боюнча Макулдашуунун долбоору жактырылды. Бул тууралуу комиссиясын маалымат кызматы билдирди.
Аталган макулдашууга ылайык, бажы декларациясында колдогу акча каражатын көрсөтүү зарылдыгы белгиленет.
Муну менен бирге Коллегия ЕЭК менен Эл аралык аба транспорту ассоциациясынын ортосундагы кызматташуу боюнча меморандумдун долбоорун жактырды. Мындан тышкары, "Темир жол унаасындагы коопсуздук сертификаты боюнча жалпы талаптардын" сунушу бекитилди.
