БИШКЕК, 25-мар. — Sputnik. Кыргызстандык бийчилер Казакстанда өткөн бий спорту боюнча өткөн "ALMATY OPEN – 2016" эл аралык турнирде биринчи орунду ээлешти. Бул тууралуу бий спорту боюнча федерациясы билдирди.
Бий спорту боюнча өткөн "ALMATY OPEN – 2016" эл аралык турнири
© пресс-служба Федерации танцевального спорта КР
Маалыматка ылайык, мелдеш үстүбүздөгү жылдын 19-20-март күндөрү Алматы шаарында өтүп, ага Кыргызстан, Өзбекстан, Россия жана Казакстандын спортчулары катышкан.
Чоңдор арасындагы Латино бийи боюнча кыргызстандык жуптар Алексей Кибкало менен Татьяна Когадей мыкты аталышты. Ал эми юниорлор категориясында кыргызстандык бийчилер Никита Герасименко менен Кристина Мельникова эки коло байге тагынышты.
